Әнші Мадина Сәдуақасованың сүйікті демалыс мекені – Мысыр елі. Бұның, әрине, себебі жоқ емес. Жылы су, ыстық күн проблемадан алыстауға таптырмас көмек. Осы жолы әнші үстіне не кисе де, басынан орамалын тастамады. Образын Мадина былай түсіндірді: “Шарм эль Шейх — өте желді мекен екен. Шляпа кию мүмкін емес, бастан ұшып кетеді. Күн 40-тан асып ысиды, бас киімсіз де жүре алмайсың. Ондағы ғимараттың бәрінде, өзіңіз білесіз, тағы сол кондиционерлер. Бір сөзбен айтқанда, басты суық пен ыстықтан, шашты желден сақтау керек болды. Оның үстіне, өзіме де орамалды әртүрлі етіп байлап, жарастырып таққан ұнайды”.
View this post on Instagram
Актриса Жұлдыз Әбдікәрімова да биыл отбасымен Мысырды таңдапты. “Демалысты қызықты ете түсу үшін, балаларға тарихи орындарды көрсету үшін Каирге барғымыз келді. Біздің қаладан Каирге ұшақпен 1 сағатта, автобуспен 6 сағатта жетуге болады”, — деген ол, жағажайда жата беруден гөрі, пирамидалар мен музей аралағанды жөн көрген. “Мұнда туристерді баға жағынан көп алдайды”, — деп оқырмандарын ескертіп те қойды. Онысын ғана емес, Жұлдыз ханымның тотал уайт образын да бағалап, “5” қоямыз.
View this post on Instagram
Тележүргізуші Ләйлә Сұлтанқызы болса, дубайсүйерлер қатарында. Құмды барханда изумруд түсті көйлек таңдауы өте сәтті шешім болған. Табиғи реңктердің үйлесімі деп осыны айт.
View this post on Instagram
Әнші Қарақат осы жылы Түркияның Анталья қаласын біраз мекен етті. “Бізге бүгін 60 күн” деп жазып бөліскен ол жаңа туған нәрестесін ыстық күн астында өсіруді жөн көрген. Жаңа босанған ана қызыл көйлегі мен бас аксессуарын әдемі үйлестіріпті. Десе де, оның бәрінен бұрын әйел адамға ерек көрік беретін аналық позициясы, қолындағы нәрестесі дер едім.
View this post on Instagram
Актриса Жанель Мақажанның таңдауы да Түркияға түскен. “Бұл жер мен үшін екінші үйімдей” деген ол, курортты қалаларды емес, Стамбұлды таңдаған. “Стамбұлда мен ойламаған ғажайып сезім, керемет әсер, жүрегімнен орын алған тарихи сәт — шүбәсіз бақыт. Бұл жолғы сапар — жаңа өмірге қадам басқандағы Алламның маған берген сыйы” деп оқырмандарын қызықтырып та қойды. Қалай болғанда да, Босфор жағасында беж бен жасыл гамманы жарасымды үйлестірген Жанельдің образы бізге ұнады. Қазақи әшекейлерді де дәріптеп тағуы көрген жұртты тек сүйсінтеді.
View this post on Instagram