Көктемнің басты мерекесі Ұлыстың Ұлы күніне бірер күн қалды. Мерекеге орай жайылатын дастарханды наурыз көжесіз елестету қиын. Сол үшін көктем шыға әр отбасы қыстан қалған сүр етін, құрт-майын шығарып, Наурызға дайындығын бастайды. Ендеше, advent-күнтізбеміздің кезекті тапсырмасы — наурыз көже дайындау.
Бұл мерекелік ас әр өңірде әртүрлі дайындалады. Кей отбасылардың тіпті көжеге қосатын құпия ингридиенттері, өзіндік дайындау тәсілдері бар. Қалай дайындасаңыз да — еркіңіз. Биыл бір өзгешелік қаласаңыз, отандық фудблогерлердің рецептерін ұсынамыз.
Дания Әлтаева
Мерекелік дастархан жасауда Данияны виртуал көмекші етсеңіз, парақшасынан наурыз көженің ғана емес, жент, чак-чак, бауырсақ сияқты біраз ұлттық тағамның рецептін табасыз. Бас тағамға келсек, фудблогер наурыз көже дайындауды мереке қарсаңында жыл сайын көрсетеді. Әйткенмен, мына видеода ең жеңіл әдісін бөлісіпті.
Посмотреть эту публикацию в Instagram
Әлия Орман
Тағы бір танымал фудблогерлердің бірі — Әлия Орман. Биыл наурыз көжені алғаш жасағалы жатқандар болса, Әлиямен бірге жасауға болады. Себебі фудблогер де сол санаттан: наурыз көжені бірінші рет жасапты. Сөйтсе де, ойындағыдай шығыпты.Бұған дейін мерекелік көже дайындаудың түрлі нұсқасын көрген ол осыған тоқталыпты. Бір ерекшелігі — көжеге кеспе қоспайды екен.
Посмотреть эту публикацию в Instagram
Гүлжанат Нұрышева
Жақында Youtube каналында фоллоуері 1 млн-ға жеткен фудблогер Гүлжанат Нұрышеваның да наурыз көже дайындайтын өз рецепті бар. Гүлжанат блогын қазақша жүргізеді. Фудблогер көжені түрлі жолмен жасауға болатынын, бастысы — құрамында 7 түрлі дәмнің болу керегін атап өтті.