Қазақстандық команда Әлемдік турдағы алдынғы орындарға оралу үшін трансфер базарында белсенді жұмыс істеп жатыр.
Қазақстандық командаға 13 жаңа шабандоз қосылды. Атап айтқанда, колумбиялықтар Мигель Анхель Лопес, Себастьян Хенао, итальяндықтар Винченцо Нибали, Валерио Конти, Леонардо Бассо, Симон Веласко, Мишель Гадзоли, Джанни Москон, Антонио Нибали, испаниялық Дэвид де ла Круз, американдық Джо Домбровски, беларусь Александр Рябушенко және жас қазақстандық Нұрберген Нұрлақасым «Астана» жейдесінде бақ сынайды.
Бұл ретте командадан 14 шабандоз кетті, олардың арасында Гранд Турда капитан қызметін атқарған спортшылар мен негізгі көмекшілер де бар. Дегенмен, жаңа ойыншылар мен кеткен шабандоздар тізімі әлі жабылған жоқ. Канадалық Бенджамин Перри мен колумбиялық Родриго Контрерас әлі келісім-шарттарын жаңартпаған. Ал олардың орнына ешкім қосылмады. Әзірге команда сапында 28 адам бар.