2003 жылғы SuperStar.KZ-тен кейін Айқын продюсер Эрик Тастамбековпен жұмыс істей бастайды. Дәл осы кезден бастап, әнші имиджіне назар аудара бастаған сияқты.
Сол жылдары танымалдығы артқан ресейлік әнші Дима Биланның стилін біраз әріптесі қайталайтын. Солардың қатарында Айқын да болды.
Продюсерлік көзқарас тұрғысынан, әдетте әнші жігіт жас қыздардың жүрегін жаулайтын сері образын ұстануы керек.
Алайда жұмысынан тыс, былайғы өмірде Айқын өте қарапайым киінді.
2013 жылы шыққан «Асылым» синглы әншінің шығармашылық тынысын ашқандай әсер қалдырды. Стиліне де өзгеріс енді. Сол кезден кейінгі образдарынан пиджак пен бабочканы, жакет пен подтяжканы жиі көретін болдық.
«Асылым»-нан кейін, «Ерке қыз», «Жалаң аяқ қыз», «Сағындым» сынды әндері хитке айналды. Дәл өзінің стилін де осы кездері тапқан сияқты. Классик стильден басталған эксперименті кэжуалға ұласып, ретроға да оралып жатты. Өзгермейтін екі нәрсе болса, ол әншінің төбе тұсына қарай қалыңдайтын шаш үлгісі мен ойнақы жанып тұратын көздері.
Қазір Айқын көпбалалы әке атанып, өмірінде біраз өзгеріс болғанына қарамастан, жұрт алдында ол еш қартаймайтын, көңілді, ел мақтаған жас әнші сахналық образын сақтап қала бермек.
Посмотреть эту публикацию в Instagram