Канье Уэст пен A$AP Rocky-дің жақын досы әрі креативті консультанты Тремейн Эморидің No Vacancy Inn шығармашылық агенттігі Stussy брендімен бірлесіп, жаңа киім топтамасын шығарды. Авторлары 80-ші жылдардағы стильден шабыттанған екен.
Топтама лукбугінің басты фотомоделі — A$AP Nast. Ол , сондай-ақ, No Vacancy Inn қауымдастығының мүшесі.
Қауымдастық киім шығарудан бөлек, танымал жұлдыздар жиналатын жабық кештер ұйымдастырып, радиоға түрлі шоулар мен подкасттар дайындайды.
Капсулды топтамада ерекше сәнді вельвет костюмдер, арқасында принті бар худилер, жеңінде тай-дай суреті бар свитшоттар және классикалық ашық сарғыш түсті тренч бар. Тек күзге ғана емес, кез келген жыл мезгіліне жарамды гардероб.
Топтама сатылымға 25 қыркүйекте шықты. Stussy-дің ресми парақшасынан тапсырыс беруге болады.