Лос-Анджелесте дәстүрлі People’s Choice Awards премиясы өтті. Онда 2020 жылдың кино, музыка және медиа саласындағы үздіктері таңдалды. Жеңімпаздарды мараппаттау рәсімінде пандемияға байланысты қауіпсіздік шаралары толық сақталды. Қатысушылардың бәрі коронавирустың бар-жоғына тест жасатқан.
46-шы марапаттау рәсімінің жеңімпаздарын әдеттегідей көрермендер анықтаған. Дауыс беру кезеңі 1-23 қазан аралығында өткен. Биыл кинотеатрлардың жабық болуына байланысты прокатқа шығып үлгерген фильмдер ғана дауысқа түсті.
“Плохие парни навсегда” боевик туындысы «Жылдың басты фильмі» боп танылса, ондағы негізгі рөлдердің бірін сомдаушы Уилл Смит “Ең үздік актер” атанды. Одан бөлек, ең үздік комедия – “Будка поцелуев 2”, ең үздік экшн — “Мулан”, отбасылық фильм — “Вперед”, ең үздік драма — “Гамильтон” мюзиклі боп танылды.
Сериалдық номинацияның жеңімпазы болып «Анатомия страсти» атанды. “Ривердейл” “ең үздік драмалық сериал” марапатын алды. «Я никогда…» туындысына “үздік комедиялық сериал” атағы берілді.