Нұр-Сұлтан қаласының мәдениет басқармасы тәуелсіздіктің 29 жылдығына арналған іс-шаралар тізімін жариялады. Кейбір шаралар оффлайн режимінде өтпек.
- 14-16 желтоқсан аралығында Жастар музыкалық театры қала тұрғындары мен қонақтарын М.Әуезовтің «Абай-Тоғжан» музыкалық драмасының премьерасына шақырады.
- 15 және 16 желтоқсан күндері сағат 19:00-де «Nomad City Hall» театры «Жас Абай» спектакль премьерасына шақырады.
- 16 желтоқсан күні сағат 12:00, 14:00 және 16:00-де қуыршақ театры «Атамекен» патриоттық қойылымын ұсынады.
- Тәуелсіздік Сарайының бірінші қабатында мерекеге орай «Тәуелсіздіктің белгісі – Нұр-Сұлтан» көрмесі ашылды. Қонақтар желтоқсан бойы тамашалай алады.
- Тарихи-мәдени мұра ескерткіштері мен нысандарының сақталуын қамтамасыз ету жөніндегі дирекция “Мәңгілік ел” салтанатты аркасында қазіргі заманғы бейнелеу өнерінің көрмесі мен «Тәуелсіздік – мәңгілік ел мұраты» тақырыптық экспозициясын ұйымдастырады.