Facebook-тағы Kazakh American Association парақшасына Америка азаматы Кристен Демшоктың Шолпан Канышкеновна есімді әйелді іздеп жүргені туралы пост шыққан болатын. Шолпан — Кристеннің Қазақстаннан асырап алған қызының туған анасы. Телефон нөмірін ауыстырған соң арадағы байланыс үзілген көрінеді.
“Біз оны таптық! Кристенге Шолпанның байланыс нөмірі табылғанын айтыңыздаршы. Шолпан Канышкеновна қызынан қоңырау күтіп отыр”, – деп мәләмдеді Нұртас Адамбай Facebook-та жазған постында.
Kazakh American Association парақшасында Америка азаматтары асырап алған балалардың суреттері жиі жарияланады. Биологиялық отбасын іздейтін этникалық қазақтардың орташа жасы 17-20 жас аралығын құрайды.