Уильям ханзада Netflix-тің «Корона» (The Сrown) сериалында ата-анасы Чарльз ханзада мен Диана ханшайым арасындағы қарым-қатынастың шынайы бейнесі көрсетілмегеніне ашулы. Сондай-ақ, түсірілім тобын ол ата-анасының некесін “ақша табу мақсатында пайдаланды” деп айыптап отыр. Бұл туралы The Washington Post пен Daily Mirror басылымдары хабарлады.
Daily Mirror редакторы Расселл Майерс ITV бағдарламасы кезінде Уильям ханзаданың реакциясы туралы айтты. Майерс «Коронада» үлкен тарихи қателік барын, сондай-ақ, басты көріністерді сценарий авторы ойдан шығарғанын атап өтті.
Биыл қараша айында “Корона” сериалының 4 маусымы көрерменге жол тартты. Жаңа маусымда Диана ханшайым туралы баяндалады.