Netflix-тың “Ход королевы” (The Queen’s Gambit) мини-сериалы шахматқа деген сұранысты арттырды.
Сериал жарық көргеннен кейінгі бір айда АҚШ-та шахмат тақтасын сатып алғандар саны 87%-ға өскен. Шахмат туралы кітаптарға сұраныс 603%-ға артқан. Бұл деректерді NPD Group маркетиң зерттеу компаниясы жариялады. Мәліметтерге сүйенсек, 2020 жылға дейін шахмат жиынтығының сатылымы біраз жыл бойы бір деңгейде болған немесе, керісінше, төмен боп тұрған.
Сондай-ақ, қазан айынан бастап Google-дан шахмат туралы іздегендер күрт көбейген. Қолдан жасалған бұйымдар сататын Etsy веб-сайтынан да соңғы айда шахмат іздегендер саны өткен жылдың сәйкес кезеңімен салыстырғанда 364%-ға артқан екен.