26 қазаннан бастап эпидемиологиялық жағдайы тұрақтанған өңірлерде кинотеатрлар ашылды. Қаулы бойынша, санитарлық-эпидемиологиялық нормалар мен талаптарды сақтай отырып, залды 30 пайызға дейін ғана толтырып жұмыс істеуге рұқсат етілді. Кинотеатрлар әзірге Алматы, Атырау және Ақтау қалаларында ашылды. Басқа қалаларда рұқсат берілмеген.
Алдағы уақытта кинотеатрлар көрермендерге отандық фильмдерді көрсетеді. “Любовь на миллион”, “Пышка” , “Семейные страсти” және “Жаным, ты не поверишь”, “Гудбай, мой бай» фильмдері көрсетіледі. 2 қарашада “Базар жоқ, Мексика!” комедиясының премьерасы өтеді.
Шетелдік фильмдерден “Неистовый”, “Мадам Парфюмер”, “#Яздесь”, “Туннель: опасно для жизни”, “Номер один”, “Думай как собака” және т.б. бірнеше фильмдерді тамашалауға болады.
Сондай-ақ, кинотеатрда билет бағасының қымбаттағаны туралы мәліметтер тараған болатын. Алайда Kinopark-Kinoplexx компаниясының PR-директоры Ерлан Бұхарбаев бұл ақпаратты жоққа шығарды. Оның айтуынша, билет құны — 1000-3000 теңге аралығында.