Екі жыл бұрын желідегі суреті жұрттың наразылығын тудырған блогер Шырын Нарчаева Netflix стримиң сервисінің сериалына түспек. Бұл туралы Шырын Instagram stories-те хабарлады.
“Мен сондай бақыттымын. Бұл жаңалықты бөліссем бе, бөліспесем бе деп бір апта ойландым. Бірақ бәрін іште сақтай алмаймын. Мені Netflix сериалға түсуге шақырды. Сене аласыздар ма?! Netflix”, — деді ол, қуанышын жасыра алмай.
Шырынның сөзінше, жазда Netflix орыс тілді сериалға актерлер іздегенде, менеджері бір минуттық монолог түсіріп жіберуге кеңес берген. Құлақ асқанымен, блогер кастиңтен өтемін деп ойламаған. Күтпеген жерден Шырын сериалдың 2-ші маусымындағы қосалқы рөлін сомдайтын болды. Қай сериал екенін блогер айтпады. Бірақ түсірілімі келер жылғы көктемде басталмақ. Нарчаева оған дейін ағылшын тілін дамытып, денесін қалыпқа келтіру керек екенін айтты.