Энн Хэтэуэй мен Джессика Честейннің жаңа психологиялық триллерге бірге түсетіні белгілі болды. «Ана түйсігі» (Mother’s Instinct) деп аталатын жаңа фильмнің режиссері — Оливье Массе-Депасс.
Фильм туралы «Бұл рөлдердің күрделілігін жеткізу үшін Энн мен Джессиканың деңгейіндегі актрисалар керек. Ана мен бала арасындағы байланыс — ең күшті байланыс. Осы байланыс үзілген кезде қоғамдық мораль мен ақыл-ес түзулігіне күмән туындайды», — дейді бельгиялық режиссер Оливье Массе-Депасс.
Триллер 2018 жылғы аттас фильмнің ремейкі болмақ.
Туынды Андре Дельво Академиясының «Магритта» сыйлығын тоғыз мәрте жеңіп алған болатын. Бұл сыйлық Бельгия киноиндустриясындағы жетістік үшін беріледі.