Bad Guy-дың 1 млрд қаралым жинауының құрметіне YouTube пен Google Creative Lab біріккен billie.withyoutube.com сайтын іске қосты. Портал Bad Guy-ды үздіксіз көрсетеді.
Жасанды интеллект арқылы бір-біріне жалғанған мыңдаған кавер бір жерге жиналған. Сайттағы видео бейнебаянның түпнұсқасынан басталып, әрі қарай басқа каверлерге ауысады. Келесі видеоға өткенде, ән алдыңғы орындаушының аяқтаған жерінен жалғасады.
Сайт мәзірінен қанша кавер тамашалап, әлі қаншасы қалғанын, сондай-ақ, әнді толықтай неше рет тыңдағаныңызды көре аласыз. Портал құрастырушыларының хабарлауынша, мұнда 17 мың кавер топтастырылған.
Сайттағы видеолар “гитара”, “рок”, “вокал”, “баллет”, “ойыншық балапан” сияқты тегтермен бөлінген.