Universal Music Publishing Group (UMPG) Америка әншісінің 600-ден астам әнін орындау құқығына ие болды. Боб Дилан 1962 жылғы Blowin’ in the Wind-тан бастап, атақты Murder Most Foul-ге дейінгі әндерінің орындау құқығын сатқан.
Жұлдыздың әндері қаншаға сатылғаны әлі белгісіз. Bloomberg келісімді 200 млн долларға бағаласа, The New York Times 300 млн доллар деп отыр.
“Еш әсірелеусіз Боб Диланның әндері миллиардтаған адамның қошеметіне ие болды. Оның әндері он, тіпті жүздеген жылдардан кейін де бұрынғыша ел аузында боларына сенімдімін”, – дейді UMPG басшысы Лучиан Грейндж.
Боб Дилан “дәстүрлі Америка ән жанрында жаңа поэзиялық оралымдар ойлап тапқаны үшін” 2016 жылы Нобель премиясын алды. Оған ие болған алғашқы музыкант атанды.