Ozen лейблі қазақстандықтарды тәуелсіздік күнімен құттықтап, “Tugan jer tolgauy” видеоклипін жариялады. Толғауды Dudeontheguitar және Monro деген әншілер Almaty Symphony Orchestra-мен бірлесіп орындаған.
Әннің сөзі Абдрахман Асылбекке тиесілі. YouTube желісінде жарияланған видеоклипті танымал фильммейкер Қанат Бейсекеев бағалап, “Керемет жұмыс” деп пікірін қалдырыпты.
Бұған дейін тамызда Ozen лейблінің әншілері Dudeontheguitar мен Monro Абай Құнанбаевтың “Бойы бұлған” өлеңіне ән шығарған. Туындыны орындаушылар ақынның 175 жылдығына арнады.