Әйгілі рэпер Эминем коронавирус пандемиясына арнап GNAT трекіне видеоклип түсірді. Жаңа әнінде Эминем аурудың белгілері, дезинфекция және әлеуметтік қашықты сақтау туралы айтады.
Видеоклиптің режиссері Коул Беннетт рэперді вирус жұқтырған науқас бейнесінде түсірген.
Айта кетсек, 18 желтоқсанда Эминем режиссер Альфред Хичкокқа арнаған жаңа альбомын ұсынды. Жинағында 36 трек болса, оның 20-ы — осының алдында шыққан Music to Be Murdered By альбомында шыққандары. Рэпердің жанкүйерлері үшін бұл күтпеген жаңалық болды. Себебі, бұған дейін Эминем жаңа альбомы мен видеоклипі шығатыны туралы тіс жарып айтпаған.