Artik & Asti дуэтінде Asti лақап атымен танымал әнші Анна Дзюба кәсіпкер Станислав Юркинге тұрмысқа шықты. Бұл туралы әртіс Instagram-да хабарлады.
“Сені сүйіп, сенің бір бөлігің, әйелің болғаным үшін шексіз бақыттымын” , — деп жазып, үйлену тойынан суреттерін бөлісті.
Әншінің сөзінше, олар некесін АХАЖ-да ресми тіркеп қана қойған. Коронавирус пандемиясына байланысты үйлену тойын келесі жылға ауыстыруына тура келген.
Ерлі-зайыптылар 2019 жылдың мамыр айынан бері жақын қарым-қатынаста екені белгілі болды. 30 жастағы Анна Дзюба үшін бұл алғашқы неке болса, жары Юркиннің екінші рет көңіл жарастыруы екен: бұрынғы қарым-қатынасынан бір баласы бар.
Айта кетсек, Анна Дзюба украиналық Artik & Asti поп-дуэтінде продюсер, әнші Артем Умрихинмен бірге өнер көрсетеді. Әндері ТМД елдеріне танымал.
Посмотреть эту публикацию в Instagram