Samsung смартфондарының иелері Түркістандағы жаңа буын 5G желісіне қосыла алады. 5G желісіне қосылған абоненттер лимитсіз интернетті пайдалана алады.
Kcell компаниясы Samsung смартфондарының келесі үлгілерінің иелері Түркістандағы Samsung Galaxy S21, Samsung Galaxy S21+, Samsung Galaxy S21ultra 5G желісіне қосыла алатындығы туралы ақпаратты растады. Компания 5G-ге қосылу мүмкіндігі бар смартфондардың, соның ішінде Samsung-тың тізімі кеңейетінін хабарлады.
Естеріңізге сала кетейік, Қазақстан аумағындағы ең үлкен 5G желісі Түркістан қаласында қолжетімді. Kcell компаниясы өткен жылдың желтоқсан айында қаланың маңызды стратегиялық және туристік нысандарында 8 outdoor-станция орнатып, жаңа буын желісін іске қосты. Бұл қаланың стратегиялық маңызды және туристік объектілері: қала әкімдігі, Конгресс Холл, Түркістан Арена стадионы, автовокзал, Фараб орталық кітапханасы, «Батыр» Жастар сарайы және басқалар.
Outdoor жобадан басқа әуежай, Kcell абоненттік бөлімі, Rixos қонақ үйі сияқты маңызды туристік нысандардағы indoor-сайттар қарастырылған.
Айта кету керек, Xiaomi, Oppo, Realme, Vivo және Huawei сынды қытайлық өндірушілердің смартфондары Түркістанда ашылған кезде 5G желісіне қосылу мүмкіндігіне ие болды.