Димаш Құдайбергеннің концерттік шарасы Дубайдағы әйгілі «Coca-Cola Arena»-да өткен.
Әртіс өзінің тыңдаушыларын өткен шоулардың сүйікті композицияларынан және пандемия кезінде жазылған жаңа әндерден тұратын жаңа бағдарламамен қуантты.
Кеш қонақтары Қазақстанның танымал домбырашылары Темірлан Олжабай мен Ернат Наурыз болды. Олар түрлі композициялардың попурриін орындап, классиканы динамикалық туындыға айналдырды.
Димаштың «Алтын командасы» «Golden» композициясының әуенімен сахнаға шығып, алғашқы секундтардан бастап концертке ерекше атмосфера орнатты. Осыдан кейін әртіс өзінің барлық тыңдаушыларын көптеген рейтингтер мен соңғы диаграммалардың чемпионы «Fly Away» әнінің әуенімен «бірге самғауға» шақырды.
«Қайырлы кеш, қымбатты достар, Мен Сіздердің алдарыңызда осы сахнада өнер көрсеткеніме өте қуаныштымын. 2 жылдан астам уақыт бойы біз кездесе алмадық. Сіздердің махаббаттарыңызбен қолдауларыңызға алғыс айтамын!»,- деді Димаш көрермендерге.
Концерттің ерекше қонағы Латиф Хамидидің Qarlygash әнін әдемі орындаған Димаштың анасы, Қазақстанның еңбек сіңірген қайраткері Светлана Айтбаева болды.
Димаш Құдайберген өзінің Instagram парақшасында аталмыш концерттен видеоларды жариялады. Сонымен қатар, ол жанкүйерлеріне аз уақытқа қоштасып қайта жолығатынын айтты. Алдағы уақытта Димаш Дюссельдорф пен Прагадағы концерттер өткізеді.