Көлсай демалыс орнында болған оқиғадан кейін атақты әнші Төреғали Төрәлінің атына арыз түскен. Алматы обылысы полиция Департаменті бастығының тергеу бойынша орынбасары Рустам Абдрахманов Instagram желісінде әншінің ісі бойынша анықтама қалдырды.
Посмотреть эту публикацию в Instagram
«Бұрын хабарланғандай, ағымдағы жылдың 28 қыркүйегінде орын алған бұзақылық фактісі бойынша. Ұлттық саябақтың аумағында Алматы облысы, Кеген ауданында ЕРДР-да қылмыстық іс тіркелді. Бүгін, 30.09.2022 күдікті ҚР Қылмыстық-процестік кодексінің 128-бабына сәйкес ұсталып, уақытша ұстау изоляторына қамалды. Тергеу істі дұрыс шешу үшін қажетті және жеткілікті мән-жайларды жан-жақты, толық және объективті зерттеу үшін заңда көзделген барлық шараларды қабылдайтынын атап өтейін. Қылмыстық істің тергеу барысы мен нәтижелері Алматы облысының полиция департаментінде бақылауға алынды», — деген Рустам Абдрахманов.
Еске сала кетейік, Қылмыстық кодекстің 293-бабы бойынша: 2 мың АЕК-ке дейiнгi мөлшерде айыппұл салуға не сол мөлшерде түзеу жүмыстарына не 600 сағатқа дейінгі мерзімге қоғамдық жұмыстарға тартуға не 2 жылға дейінгі мерзімге бас бостандығын шектеуге не сол мерзімге бас бостандығынан айыру қарастырылған.