Музыкант Пол Бартонның айтуынша, бұл жануарларға пандемия кезіндегі стресті жеңуге көмектеседі. Сондай-ақ, пианист ашыққан макакаларға жұрт назарын аударғысы келген.
Британдық музыканттың концерті Лопбури провинциясындағы бірнеше алаңда, ескі храм мен бос кинотеатрда өткен. Reuters пен New York Post-тың хабарлауынша, маймылдар Бетховеннің “Элизаға” (К Элизе), Майкл Найманның “Махаббат күнделігі” (Diary of love) және “Жасыл жең” фольклор шығармаларын орындаған музыканттың шашын жұлып, пианино үстінде секіріп жүрген.
Айта кетсек, коронавирус пандемиясы кезінде Таиландқа келетін туристер саны күрт азайған. Бұл негізгі тамағын туристер беретін макакаларға ауыр тиді. Пол Бартон ашыққан маймылдарға жұрт назарын аударып, музыка күшімен оларға көмектескісі келген.
Бұл Бартонның мұндай алғашқы концерті емес. Бұдан бұрын пианист аяусыз қанауға ұшыраған пілдерге де өнер көрсеткен.