Британиялық корольдік отбасы мүшелері көптің назарынан түскен емес. Әсіресе, сұлулық пен сән мәселесінде біршама трендті қалыптастыратын да өздері. Мәселен, Кейт Мидлтонның толқынды шаш үлгісі әлем бойынша ең үлкен сұранысқа ие болса, Меган Марклдың шашын жинау үлгісін де осы күні талай ару қайталап жүр.
Кез келген бьюти-өнімдерді алуға мүмкіндігі болғанмен, Букингем тұрғындары тұрақтылыққа жақ. Корольдік отбасы мүшелерінің көңілінен шыққан 5000 теңгелік сұлулық өнімі — Essie-дің Ballet Slippers түсіндегі тырнаққа арналған бояуы.
ІІ Елизавета патшайым бұл лакты 1989 жылдан бері тұрақты қолданады екен. Кейіннен лак корольдік әулеттегі нәзік жандылардың дәстүрлі өніміне айналыпты. Бұған дәлел — Кембридж герцогинясының өзінің үйлену тойы қарсаңында Essie тырнақ бояуын пайдаланғандығы. Беатрис ханшайым да тұрмыс құру салтанаты үшін тырнағын әжесінің сүйікті реңкімен бояған болатын.