Музей директоры Михаил Пиотровскийдің хабарлауынша, Франция азаматы мүлкінің үштен бір бөлігін мысықтарға мұра етіп қалдырыпты. Мұны жазда білген мұражай әкімшілігі заңгерлермен келіссөз жүргізіп жатқан көрінеді.
“Эрмитаждағы мысықтарға тек біз емес, келушілер мен желі қолданушылары да үнемі көмектесіп тұрады. Ал мұра қалдырған азаматтың неге бұлай істегенін біле алмадық. Оның бұрын Эрмитажда болған-болмағаны да белгісіз”, – дейді мұражай директоры.
Эрмитажда тұратын мысықтарға арнайы қайырымдылық жасау қызметі жоқ. Тек, музейге хабарласып, көмектескіңіз келетінін айтсаңыз жеткілікті.