Оңтүстік Корея Парламенті k-pop жұлдыздары мен осы мәдениеттің танымал өкілдеріне міндетті әскер қызметті кейінге шегеруге рұқсат беретін заң қабылдады.
Жаңа заңға сай музыканттар 30 жасқа дейін шығармашылықпен айналысуына болады. Бұрын мұндай жеңілдік спортшылар, танымал әртістер мен классик музыка байқауының жеңімпаздарына жасалатын.
Қабылданған заң аясында BTS-тың 28 жасар мүшесі Ким Сок Джин әскерден босатылады. G-Dragon есімімен танымал топ мүшесі Квон Джи Ен болса, былтыр 20 айлық әскери қызметін атқарып келген болатын.