“Властелин колец”, “Хоббит, или Туда и обратно”, “Братство кольца” тундыларының авторы Джон Толкиннің Нортмур-роудтағы 17 жыл тұрған үйі сатуға қойылатыны белгілі болды. Жазушы атақты туындыларын осы үйде жазған болатын.
Мұны естіген жазушы Джулия Голдинг краудфандинг кампаниясын бастаған. Жақында бұл кампанияға “Властелин колец” фильмінде Гэндальф рөлін сомдаған Иэн Маккеллен, Бильбо рөліндегі Мартин Фриман мен Гимли (Джон Рис-Дэвис) қосылды.
Белсенділер үш ай ішінде 6 млн доллар жинауы керек. Қажет қаражат жиналған жағдайда жазушының үйі жөндеуден өтеді. Толкин үйінің аумағында хобиттің үйшігі мен Смаугтың апаны пайда болуы мүмкін.