32 жастағы Аяна Сұлтанбекова байқауға Орта Азия атынан қатысатынын мәлімдеді. Аяна ұйымдастырушыларға өзі хабарласқан. Алайда, Қазақстан атынан қатысушы бар болған соң, оған Орта Азия атынан қатысуды ұсынған.
Жаңа үміткер Назарбаев университетінің магистранты. Диссертациясының тақырыбы етіп таңдаған “45 жастан асқан адамдарды еңбекпен қамту бағдарламасы” мәселесін Аяна “Әлем ханымы-2020” байқауында да көтермек.
“Әлем ханымы” – 18 бен 55 жас аралығындағы тұрмыстағы әйелдердің сұлулық сайысы. Алғаш рет Болгарияда өткен байқау 2007 жылы басталған.
Айта кетсек, “Әлем ханымы-2020” сайысына Қазақстан атынан әнші Қайрат Нұртастың әйелі Жұлдыз Әбдікәрімова қатысады деп хабарлаған болатынбыз.