Apple компаниясы AirPods Max сымсыз құлаққабын шығарды. Бұл туралы Apple ресми сайтында жарияланды.
Өнім бағасы — 549 АҚШ доллар. Бұл шамамен 231260 теңге. Сымсыз құлаққапқа алдын-ала тапсырыс беруге болады, бірақ сатылым 15 желтоқсанға жоспарланған. AirPods Max бес түсте шыққан: сұр, жасыл, көк, қызыл және күміс түсті. Құлаққап 20 сағат қуатсыз жұмыс істей алады.
Сымсыз құлаққапты iPhone, iPad, iPod touch, Mac, Apple TV және Apple Watch-та қолдануға болады. AirPods Max оптик-сенсорлар мен позиция датчиктерін қолдана отырып, автоматты түрде әр қолданушының басына ыңғайлы орналасады. Құлаққапты шешкен кезде өнім гарнитурасы жұмыс істеуін тоқтатады.
AirPods Max-пен кино көргенде дыбысы дәл кинотеатрда отырғандай шығады, — делінген Apple сайтындағы ақпаратта.