Режиссер Стивен Содберг «Оскар-2021» премиясының продюсері болады. Коронавирус пандемиясы кезінде ерекше танымал болған фильм режиссері продюсер Джесси Коллинз бен Голливуд продюсері Стейси Шермен бірге жұмыс істейді. Ешқайсысы бұған дейін премияның марапаттау рәсімін ұйымдастырмаған.
«Алда болатын «Оскар» — шоу жасауға қажеттің бәрін, тіпті, сценарийіне дейін қайта қарастырудың жақсы мүмкіндігі”. Ал Стивен Содбергтің командасы осы идеяны жүзеге асыра алады деп сенеміз», — дейді киноакадемия өкілдері.
Содбергтің командасы да кинопремияға қатысты ой білдірді: «Қазір әлемдегі ерекше жағдайға байланысты киноиндустрия дамуына үлес қосып жатқан адамдарға көңіл бөле аламыз. Біз бұл жолғы марапаттау рәсімін көпшілік жақсы көретін фильмдерге ұқсатуға тырысамыз», — дейді режиссер мен әріптестері.
Пандемияға байланысты киноакадемия марапаттау рәсімін 2021 жылғы 25 сәуірге ауыстырған. Алайда, қандай қауіпсіздік шарасы қолданылатыны, қанша адам болатыны белгісіз. Енді Содберг ұйымдастырған шоу режиссердің «Заражение» фильміне ұқсамасын деп тілейміз.
Айта кетсек, режиссердің ол туындысы 2011 жылы жарыққа шыққан. Алайда, биыл қазіргі пандемия кезеңімен ұқсас болғандықтан, соны болжаған туынды “Заражение” желіде көп талқыланды. Сюжет қауіпті вирустың таралуы мен вирусқа қарсы күресті баяндайды.