Режиссер Пол Андеросонның “Охотник на монстров” (Monster Hunter) туындысындағы тізе туралы әзіл жұрт наразылығын тудырды.
Көрермендер фильмдегі кейіпкердің «Look at my knees! What kind of knees are these? Chi-knees» (“Менің тіземе қарашы! Олар қандай өзі? Қытайлық тізе ғой”) репликасын орынсыз деп санайды. Себебі, бұл ескі «Chinese, japanese, dirty knees — look at these» («Мынаған қараңдар, тізесі кір қытайлар мен жапондар” деген расизмді насихаттайтын әнге ұқсатқан.
Фильм авторлары әзілі бар бөлімді қиып тастауға мәжбүр болды. Constantine film компаниясы Қытай аудиториясынан кешірім сұрап, ешкімді кемсіткісі келмегенін айтты.