Франция азаматы EuroMillions халықаралық лоторея ойынында 200 млн € ұтып алған. Жеңімпаз әп-сәтте Гарри Стайлз, Адель сияқты жұлдыздардан да ауқатты азамат атанды. 200 млн еуро — EuroMillions тарихындағы ең қомақты ұтыс екен. Бұдан бұрын 190 млн еуроны екі рет Ұлыбританияда, сондай-ақ, Испания мен Португалияда ұтып алған.
Лоторея билеті 2,5 еуро тұрады. Сәтті билеттің иесі 50 сан ішіндегі 5 санның бәрін дұрыс тапқан. Алайда, ұтыс ақшасын алуға әлі келмепті. Егер бұл осындай сандар комбинациясы бар жалғыз билет болатын болса, бұл Еуропа тарихындағы ең қомақты ұтыс болмақ.