Британия Ұлттық денсаулық сақтау қызметі жаңа жылдық жарнама ролигі үшін кешірім сұрады. Ұйым бұл ролик балаларға арналмағанын айтады.
The Gift (Сыйлық) деп аталған роликте жедел жәрдем бөліміне ақ сақалды қарт адам түседі. Кейінірек оттегі маскасын тағып ауруханада жатқан пациенттің Санта екені белгілі болады. Роликте жағдайы жақсарған Аяз ата балалардың хаттарына тікелей ауруханадан жауап беріп отырған.
Алайда бұл бейнеролик желі қолданушыларының наразылығын тудырды. Олар онсыз да биыл талай жағдайды бастан кешірген балаларға сүйікті кейіпкерін аурханадан көру ауыр тиеді деп есептейді.
Жұрт наразылығынан кейін денсаулық сақтау қызметі роликті өшіріп, қолданушылардан кешірім сұрады.