Гарри ханзада мен Меган Маркл Spotify музыка қызметімен эксклюзив келісімшарт жасасты. Енді олар өздерінің подкастын шығаратын болды.
Подкастың алғашқы бөлімі келер жылы шықпақ, бірақ биылғы желтоқсанда Гарри ханзада, Меган Маркл және өзге де қонақтардың қатысуымен өтетін арнайы шығарылымды тыңдауға болады. Гарри ардагерлер мәселесіне басымдық берсе, Меган гендерлік теңсіздікті талқыға салады деп күтілуде.
Spotify-ға шығатын эксклюзив подкастар қатарында тағы бір әйгілі жұп — Барак пен Мишель Обамалардың да туындысы бар. Музыка қызметімен Ким Кардашьян да дәл осындай келісімшартқа отырған.