Компания Жалпыресейлік саңыраулар ұйымымен бірге нашар еститін адамдармен жұмыс істеудің жоспарын құрды. Енді компанияға есту қабілетінде ақауы бар азаматтар да жұмысқа тұра алады. Жеткізу қызметінің қосымшасы есту қабілетінде ақауы бар курьерлерді есепке ала отырып жасалған.
Компания сайтындағы материалдың бәрі ымдау тіліне аударылған екен. Жұмысқа тұру үшін ондағы ақпаратты түгел оқып, арнайы анкетаны толтыру керек.
Тапсырыс берушілер мобильді қосымша арқылы тапсырысын есту қабілеті нашар курьердің жеткізетінін біле алады.
Компания өкілдерінің хабарлауынша, жеткізу уақытына, тапсырысқа қатысты қосымша сұрақ туындаған жағдайда тұтынушыларды қолдау қызметіне жүгіне аласыз. Олар курьермен мессенджер арқылы хабарласып, кез келген мәселені шешетін болады.