Prints for Music қоры пандемия кезінде қаржылық дағдарысқа ұшыраған музыканттарды қолдау үшін акция ұйымдастырған. Іс-шара аясында Дэвид Боуи, Грейс Джонс, Принц сияқты әншілерді әлемге танымал фотографтар түсірген суреттер сатылымға шықты.
Атақты Тони Макги, Ранкин, Джилл Фурмановский сияқты фотографтардың еңбегін 95£ сатып ала аласыз. Саудадан түскен барлық қаржы коронавирус кезінде өнер көрсете алмай, табысынан айырылған музыканттарды қолдауға жұмсалады.
Суреттерді Print for Music сайтынан сатып алуға болады. Фотосуреттер А3 форматында басып шығарылады. Қосымша жиектемеге де тапсырыс берсеңіз болады.