Флориданың Галф-Бриз қаласының тұрғыны Майкл Эсмонд көршілерінің коммуналдық қызмет ақысын төлеп берген. Биылғы жыл бизнесмен үшін сәтті болғандықтан, қолындағы барын басқалармен бөліскісі келген екен. Майклдың айтуынша, 80-ші жылдары оның да отбасы коммуналдық қызмет ақысын төлей алмай қиналған көрінеді. Ауыр жылдар туралы естелігімен бөліскен Майкл «Бұл — менің өмірімдегі ең суық қыс болған еді»,- дейді.
Галф-Бриз тұрғындары үшін биылғы жыл өте ауыр болған. Коронавирус пандемиясынан бөлек, қала тұрғындары «Салли» дауылын бастан кешірді.
Бизнесмен 114 отбасының жалпы сомасы 556 мың $ болатын қарызын төлеп берген. Бұл кәсіпкердің алғашқы қайырымдылық жасауы емес. Бір жыл бұрын Эсмонд 36 отбасының 4600 $ қарызын төлеген.