Авторлық құқық иелерінің арызынан кейін Еурокомиссия Павел Дуровтың қос өнімін заңсыз контент тарататын платформалар тізіміне қосқан.
Комиссияның жариялаған арнайы құжатында: “Вконтакте” желісінде заңсыз видео өте көп тарайды. Сондай-ақ, қолданушылар файл алмаса алатын кез келген топта кітаптар мен программалардың заңсыз нұсқасын табуға болады”, — делінген.
“Вконтакте”, өз кезегінде, авторлық құқықты бұзатын кел келген контент 24 сағатқа жетпей өшірілетінін хабарлап отыр. “Осы уақытқа дейін біз 1,36 миллион арыз-шағым қарастырдық. Оның көпшілігі заңсыз котенті өшірумен аяқталды”, — дейді компания өкілдері.
Telegram болса, авторлық құқық иелерінің арызына уақытылы жауап бермегені үшін қара тізімге енген. Платформа жасаушылары заңсыз контенттің тарауына жол бермей дереу өшіретіндерін хабарлаған.