Әнші, блогер Динара Қырықбаева күйеуімен ажырасқанына бір жыл болыпты. Бұл туралы әнші Instagram парақшасында бөлісті.
“Маған күнде жолдасым жайлы көп хабарлама келеді. Күйеуім туралы сұрақтар күннен-күнге толасып жатыр. Сол себепті бұл тақырыпқа байланысты жеке пост жариялауды жөн деп таптым”, — деп жазған Динара Қырықбаева.
Әнші экс-күйеуімен 5 жыл некеде болған. Екеуінің 3 баласы бар. Алайда ерлі-зайыптылардың бір жыл бұрын ажырасқаны белгілі болды.
“Біз әрқашан бір-бірімізге көмектесіп, қолдап отырамыз. Қарым-қатынасымыз жақсы деңгейде. Екі жаққа кетсек те, біз балаларымыз үшін ата-ана болып қала береміз. Менің және бүлдіршіндерімнің жағдайы жақсы. Бұл туралы енді ешқандай пікір болмаса деймін”, — деді әнші.
Әнші бұл хабарламаны өзге ақпарат көздерінің жалған мәлімет таратпауы үшін жазғанын да айта кетті.