Биыл футбол сүйер қауым үшін оқиғаға толы жыл болмақ. Олардың арасында 2020 жылы пандемияға байланысты өтпей қалған турнирлер де бар.
Чемпиондар лигасының финалы 29 мамырда Стамбұлда өтеді.
Чемпиондар Лигасының 2020/21 маусымдағы шешуші матчы Стамбұлдағы Олимпиада стадионында өтеді. Бұған дейін 1/8 финал ойындарына қандай футбол құрамалары өткенін жазған едік.
ЕУРО-2020 11 маусым — 11 шілде аралығында Еуропаның 12 қаласында өтеді.
Пандемияға байланысты “ЕУРО-2020” турнирі 2021 жылға ауыстырылды, бірақ турнир атауы өзгермейді. Биылғы Еуропа чемпионатының бір ерекшелігі — ойындар 11 мемлекеттің 12 қаласындағы 12 стадионда өтпек.
Жастар арасындағы Еуропа чемпионаты топтық кезең 24-31 наурыз, финал болса, 31 мамыр-6 маусым аралығында Венгрия және Словенияда өтеді.
Бұл турнирде Қазақстан құрамасы да бақ сынаспақ. Қазақстан 6 -топтың турнирлік кестесінде төртінші орында тұр, активінде 10 ұпай бар.
Еуропа лигасының финалы 26 мамырда Польшадағы Гданьск қаласында өтеді.
1/16 финал ойындары 18-25 ақпанға жоспарланған. Алдағы уақытта УЕФА конференциялар лигасын құрмақшы.