Instagram 2020 жылы желідегі ең танымал жазбаларды атады. Қазір қосымшаны айына 1 миллиардтан астам адам пайдаланады.
2019 жылғы ең танымал жұмыртқаның суреті биыл да бірінші орында тұр. 2020 жылы пост тағы 9 миллион лайк жинаған. Барлығы — 54,8 миллион лайк.
Екінші орында — 2018 қаза тапқан америкалық рэпер XXXTentacion. Оның соңғы жариялаған посты 22,7 млн лайк жинаған.
Үздік ондыққа Криштиану Роналду да кірген. Оның әйгілі футболшы Диего Марадонамен бірге түскен суреті 19 миллионнан астам лайкқа лайық болған.
Роналдудың посты 2020 жылғы қарашада қайтыс болған Марадонаны еске алу ретінде салынған.
Сондай-ақ, көп лайк жинаған посттар қатарында актер Чадвик Боузманның және баскетболшы Коби Брайанттың қайтыс болуы туралы жазбалар.