Димаш Құдайберген жаңадан сайланған АҚШ президенті Джозеф Байденнің инаугурациясын тойлау апталығының ашылу салтанатына қатыспақ. Бұл туралы dimash.com сайты хабарлады.
Іс-шаралар легі 17 қаңтарда басталады. Оны Sister Cities International бауырлас қалалар ассоциациясы ұйымдастырады. Коронавирус пандемиясына байланысты ашылу салтанаты онлайн өтеді.
“Sister Cities International ұйымының негізі қаланғалы және АҚШ пен Қазақстанның қарым-қатынасы тарихында алғаш рет жаңа сайланған АҚШ президентінің инаугурациясын тойлау апталығын ашушы іс-шараға қазақстандық әнші – Димаш Құдайберген қатысады”, — деп жазды dimash.com.
Сондай-ақ, 16-23 қаңтар аралығында Димаш Құдайберген алғаш рет Dimash DIGITAL SHOW атты онлайн-концерт өткізеді.