Gucci-дің күз-қыс топтамасынан кейінгі әлеуметтік желі талқысының қызуы басылар емес. Қаңтар айында жарық көргеніне қарамастан, топтама әлі ел аузында. Көптің фокусы қазір ерлерге арналған белбеулі қызғылт-сары көйлекке түсіп отыр.
Gucci-дің шығармашылық директоры Алессандро Микеленің гендерлік шекаралар мен таптаурындарға қарсы күресі бұрын басталған. Өзі де жарқыраған, ашық түсті киімдерді еш қысылмастан киеді. Әлемнің басты сән үйінің жұлдызды тұтынушылары да Микеленің таңдауына дән риза. Мысалы, әнші Гарри Стайлс Met Gala-ға киген жартылай торлы жейдесі үлкен сұранысқа ие болған.
Дизайнер бұл топтаманы дайындау барысында гранж стилистикасынан шабыттанған. Ерлерге арналған көйлекті топтама көрсетілімінде модель жыртық джинсімен үйлестіріп киген болатын. Микеле бұл топтаманы шығармашылшық факультет студентінің гардеробы деп сипаттап отыр.
Сатылымға шыққан көйлектің құны 3000$ құрайды.