Netflix стримиң сервисінің жыл соңында жарық көрген сериалы – “Бриджертон” (Bridgerton) кино саласындағы рекордты жаңартуда.
Netflix көрсеткіштеріне сүйенсек, 25 желтоқсанда премьерасы өткен сериалды содан бері 63 млн адам көрген. Көрсеткіші тіпті былтыр күзде шыққан «The Queen’s Gambit» сериалынан асып кеткен (ол алғашқы 28 күнде 62 млн рет көрілген болатын).
«Бриджертон» 76 елдегі ең үздік 10 сериал тізімінде бірінші орынды, көрермендер саны бойынша төртінші орынды иеленіп отыр.
Сериал бір отбасындағы сегіз ағайынды бауырлар туралы. Әрқайсысы өз махаббатын іздейді. Айта кетсек, «Бриджертон» туындысы Джулия Куиннің романдары негізінде түсірілген.