Танымал актер Тәуекел Мүсілім ұлды болды. Бұл қуанышты жаңалықты алғаш болып тележүргізуші Олжас Әлжанов instagram stories-те бөлісті. Кейін актерді өнердегі достары жарыса құттықтай бастады.
Ал Kinopark-Kinoplexx компаниясының PR-директоры Ерлан Бұхарбаев лебіз-тілегін ерекше пост жариялап білдірді.
“Бүгін Інім ұлды болды. Шын жүректен Тәуекел мен Махаббатты құттықтаймын. Баланың бауы берік болсын! Еліміздің үлкен азаматы болып өссін”, — деді ол.
Айта кетсек, былтыр Тәуекел Мүсілім бойдақ өмірмен қоштасып, 13-ші қаңтарда Махаббат Түктібаева есімді қызбен некесін қиды.