Levi’s пен New Balance ерлер мен әйелдерге арналған күз-көктем капсуласын бірге дайындайтын болды. Компаниялар кезінде танымал болған New Balance 327 кроссовкалары мен Levi’s Trucker Jacket күртешесінің дизайнын өзгертіп, қайта шығармақшы.
New Balance 327 кроссовкаларында 70-ші жылдардың стилі мен заманауи ассиметриялық дизайн қатар үйлескен. Аяқ киімнің массивті жуан табанына компанияның N логотипі орналастырылған.
Бұдан бөлек, New Balance аяқкиімінің фирмалық тілшесіне классикалық NB логотипі мен шетіне Levi’s-тің джинс материалынан деталь қосқан.
Ал Levi’s Trucker күртешесі екі жақты астарымен ерекшеленеді. Күртешенің бір жағы — классикалық Levi’s стиліндегі джинс болса, екінші жағы — New Balance стиліндегі ірі тігіспен көмкерілген мақталы астар.
Бұл тізімді екі компанияның да логотипімен өңделген сұр түсті футболка аяқтайды. Топтаманың шығарылымы 3 жетоқсанға жоспарланып отыр.