Әйгілі Спанч Боб (SpongeBob SquarePants) мультфильмі приквелінен (белгілі бір туындыдағы оқиғалар желісінің алдындағы кезең баяндалатын шығарма) үзінді жарияланды. Kamp Koral: SpongeBob’s Under Years деп аталатын приквелде Спанч бобтың балалық шағы көрсетілмек.
Көрермен алғаш көңілді Спанч боб пен оның достарымен 1999 жылы танысты. Содан бері мультфильм танымал болып, көптің назарынан түскен емес. Енді 22 жылдан кейін Спанч бобтың жанкүйерлеріне сүйікті кейіпкерінің балалық шағын көруге мүмкіндік туып отыр.
2021 жылы приквелдің 13 эпизоды шығады деп жоспарлануда. Жаңа бөлімдерінде 10 жастағы Спанч Боб достарымен Корал лагерінде жазды қалай өткізгені баяндалады.
Nickelodeon Animation Studio түсірген мультсериал 2021 жылы Paramount + жаңа ағындық қызметінде көрсетілмек.