Бизнесмен 2050 жылға қарай Қызыл ғаламшарға миллион адам ұшырмақшы. Tesla-ның негізін салушы Марстағы қала құрылысы көп қаражатты қажет ететіндіктен құнды мүлкінің бәрін сататынын айтты. Алайда бұл Илон Маскты мүлкін сатуға итермелеген жалғыз себеп емес. Бұл әрекеті арқылы ол Марсты игеру туралы шешімінің әбден салмақты екенін көрсеткісі келген.
2020 жылдың соңында бизнесмен Марста тіршілігі Жерден тәуелсіз автономды қала салу жоспарымен бөліскен болатын. Ал 2021 жылғы қаңтарда Teslа акциясының бағасы өсті. Осылайша, Илон Маск Amazon негізін салушы Джефф Безосты басып озып, «ең бай адам» атанды.