Былтырғы жазда Джастин Тимберлейк пен Джессика Билдің отбасында тағы бір нәрестенің туылғаны туралы қауесеттер тараған. Ерлі-зайыптылар бұған ұзақ уақыт бойы ешбір түсініктеме берген жоқ, бірақ жұптың жұлдыз достары Джимми Фэллон мен Ланс Басс жұбайлардың екінші ұлы өмірге келгенін байқаусыз айтып қойған.
Жақында Тимберлейк Эллен ДеДженерес ток-шоуының қонағы болып, виртуалды сұқбатта екінші рет әке болғанын растады.
“Ол сондай сүйкімді! Үйде қазір ешкім ұйықтамайды. Бірақ сонда да біз өте бақыттымыз!”, — деп Джастин қуанышын бөлісті.
Сондай-ақ, әнші баласының жынысы мен есімін жасырмады: ерлі-зайыптылар ұлын Финеас деп атапты. Шоу жүргізушісі Эллен болса, бұл жаңалықты алғашқылардың бірі болып білген екен. Ол Джастинмен FaceTime арқылы сөйлесіп жатқанда Билдің жүкті екенін көрген.
Посмотреть эту публикацию в Instagram
Еске сала кетейік, отау құрғанына 8 жыл болған жарасымды жұптың Финеасқа аға болатын Сайлас есімді 5 жасар ұлы бар.
