Бұл жайында ол арнасына салған биылғы жылдың алғашқы видеосында және Instagram парақшасында хабарлады.
«Иә, бұл рас. Кликбейт немесе әзіл емес. Мен негізі мұндай маңызды нәрселер туралы дұрыстап айта алмаймын. Мен үшін бұның бәрі сондай үйреншіксіз», — деп ару гауһар тасты сақинасын көрсетті.
Блогердің жұбы — BadComedian лақап атымен танымал Евгений Баженов есімді жігіт. Олар Катямен бір саладағы әріптестер: Евгений өз арнасында сапасыз фильмдерге шолу жасайды.
Басында Катя екеуі қарым-қатынасын жасырып жүрген. Мысалы, Юрий Дудьпен сұхбатында BadComedian жеке өмірі туралы әңгімеден үзілді-кесілді бас тартқан болатын. Ғашықтар әлеуметтік желіде бірге түскен суретін де жарияламаған. Былтырғы қыста тіпті екеуінің айырылысқаны туралы қауесеттер тарап жүрді.
Алайда, жұлдыз жұптың қарым-қатынасында ешқандай дағдарыс болмаған екен. Керісінше, екеуінің романы жаңа деңгейге шығып, Евгений сүйіктісіне ұсыныс жасапты. Олай болса, әдемі жұпқа шексіз бақыт тілейміз!