Америкалық тележүргізуші қаңтардың басында COVID-19 белгілерімен ауруханаға жатқан болатын. Алайда, жұздыз пациенттің денсаулығы дертке төтеп бере алмады.
Бұл туралы Ларридің компаниясы Ora Media әлеуметтік парақшасында хабарлады. Онда жүргізуші 23 қаңтарда Лос-Анджелестегі Седарс-Синай медициналық орталығында қайтыс болды делінген.
Ларри әңгімеге кез-келгенді тартып, еліктіре алатын, танымал сұхбат алушылардың (интервьюер) бірі болатын. 1985-тен 2010 жылға дейін ол CNN-де өзінің Larry King Live шоуын жүргізді. Кейінірек ол Hulu және RT America арналарынан көрсетілген Larry King Now бағдарламасын шығарды. Кинг — Пибоди, «Эмми» сыйлықтарының иегері. Голливудтағы Даңқ аллеясында өзінің жұлдызы бар.